Helgin

Atli kom heim í gærkvöldi við mikinn fögnuð húsfreyjunnar. Hún var orðin frekar þreytt á aðskilnaðinum og krökkunum sínum eftir vikuna. Ferðin gekk mjög vel og nú er bara að setjast yfir hlutina og ákveða hvað familían vill gera og hvar á hnettinum hún vill búa næstu 2 eða 10 árin. Það er bara hver höfuðverkurinn hér á fætur öðrum....þó þetta séu nú yfirleitt "góðir" höfuðverkir ef það má orða það svo! Það að erfitt sé að velja á milli skóla eða atvinnutilboða þýðir bara að þetta eru allt góðir kostir.

Halldór fékk svo afmælisveisluna sína í dag. Það var þrusu stuð og nóg fyrir okkur foreldrana að snúast að hugsa um 14 krakkagorma á öllum aldri. Héldum þetta út í garði þar sem við buðum í pizzu, Atli var svo með leiki fyrir krakkana og stýrði þeim eins og leikskólastýra með 40 ára starfsreynslu (þurfti reyndar að leggja sig eftir átökin en það er önnur saga), átum afmælisköku og skvísuðum að lokum liðinu inn í holuna og settum á eina mynd þegar allir voru orðnir uppgefnir. Tókst rosa vel og allir fóru glaðir heim.

Læt fylgja með nokkrar myndir af litlu dýrunum mínum frá síðustu dögum, og afmælisveislunni auðvitað.

E

Bræður að leika sér

Bræður að glápa á skjáinn

Valur staðinn að verki að stelast til Díu sinnar í næsta húsi

Mér líst nokkuð vel á þessa mamma...Sinbad....já skellum henni á

Lítil sæt rófa

Halldór að baka afmæliskökuna

Slatti mættur....klukkutíma fyrir afmælið

Skipt í lið

Hitt liðið